Հաճախ տրվող հարցեր

Ամունդի-Ակբա Ակադեմիան կրթական հարթակ է, որի նպատակն է նպաստել ֆինանսական գրագիտության բարձրացմանը և հնարավորություն տալ համալրել ֆինանսների և ակտիվների կառավարման վերաբերյալ գիտելիքները։

Հարթակը ներառում է առցանց դասընթացներ, որոնք մշակված են միջազգային փորձագետների կողմից և տեղայնացվել են ֆրանսիական Ամունդի Ակադեմիայից։

Ակադեմիայի շրջանակում կազմակերպվում են նաև սեմինարներ, կոնֆերանսներ և հանդիպումներ ոլորտի փորձագետների մասնակցությամբ։

Գրանցվելու համար անհրաժեշտ է սեղմել ով «Գրանցում» կոճակը և լրացնել համապատասխան դաշտերը։ Գրանցումը հնարավոր է միայն Ձեր համալսարանի կողմից տրամադրված էլեկտրոնային հասցեի միջոցով։

Համալսարանի էլ․ հասցեն չունենալու դեպքում, խնդրում ենք դիմել համալսարանի ուսանողների հետ կապի համապատասխան բաժնին։

Գրանցումը չեղարկելու կամ Ամունդի-Ակբա Ակադեմիայից ստացվող էլ․ նամակներից հրաժարվելու համար ուղարկեք հաղորդագրություն հետևյալ էլ․ փոստին՝ amundiacba.academy@amundi.com։

Ամունդի-Ակբա Ակադեմիայի հարթակում գրանցումը և բոլոր առաջարկվող դասընթացներն ամբողջությամբ անվճար են։

Մասնագիտական փորձ անհրաժեշտ չէ։ Դասընթացները նախատեսված են ինչպես սկսնակների՝ ֆինանսական ոլորտում հիմնարար գիտելիքներ ստանալու համար, այնպես էլ փորձագիտական գիտելիքները խորացնելու նպատակով ոլորտի մասնագետների համար։

Ամունդի-Ակբա Ակադեմիայի դասընթացները բաժանված են 4 հիմնական ուղղության՝

• Հիմնարար (ֆունդամենտալ)․ ստեղծում է բազային հիմքեր ներդրումների և ֆինանսական վերլուծությունների համար,
• Փորձագիտական․ ընդլայնում է մասնագիտական հմտությունները ֆինանսական շուկաների և ներդրումային պորտֆելների մասին խորացված դասընթացների միջոցով,
• Ֆինանսական (հիմնված՝ «Հավաստագրված ֆինանսական վերլուծաբանների» (CFA) նյութերի վրա)․ ապահովում է ներդրումային կառավարման միջազգային ստանդարտներին համապատասխան կրթություն,
• ԲՍԿ (ESG)․ կենտրոնանում է պատասխանատու ֆինանսավորման սկզբունքների վրա՝ ընդգծելով բնապահպանական, սոցիալական և կառավարչական գործոնների դերը ժամանակակից ֆինանսական համակարգում։

Դասընթացներն իրականացվում են առցանց՝ պարզ, դինամիկ և ինտերակտիվ ձևաչափով։

Ուսուցման գործընթացում կիրառվում են տարբեր գործիքներ, այդ թվում՝ բացատրական քարտեր, համապատասխանության վարժություններ և գործնական հարցադրումներ, որոնք օգնում են առավել արդյունավետ յուրացնել նյութը։

Յուրաքանչյուր դասընթացի ավարտին նախատեսված է գիտելիքի ստուգման հարցաշար։ Դասընթացը համարվում է հաջողությամբ ավարտված, եթե մասնակիցը հաղթահարում է գիտելիքի ստուգման 80% անցողիկ շեմը։

Բացի առցանց դասընթացներից, Ակադեմիայի շրջանակում պարբերաբար կազմակերպվում են նաև սեմինարներ ու կոնֆերանսներ։ Դրանց անցկացման մասին մասնակիցները տեղեկացվում են նախապես։

Ամունդի-Ակբա Ակադեմիան հայաֆիկացրել է Ամունդի Ակադեմիայի դասընթացներըը և տեղայնացրել եվրոպական երկրների լավագույն փորձը։ Միաժամանակ հասանելի է նաև անգլերեն տարբերակը։

Առցանց դասընթացները կարող եք անցնել Ձեր հայեցողությամբ ցանկացած պահի և ցանկացած վայրից։

Եթե առաջին փորձից չհաղթահարեք դասընթացը, անհանգստանալու կարիք չկա։ Դուք միշտ կարող եք վերանայել նյութերը և կրկին փորձել։ Ակադեմիայի հիմնական նպատակը շարունակական կրթության ապահովումն է և Ձեր գիտելիքների ու հմտությունների զարգացումը։

Դուք կարող եք կապ հաստատել մեզ հետ՝ ուղարկելով նամակ հետևյալ էլ. հասցեին amundiacba.academy@amundi.com կամ զանգահարելով 011 31-00-14